Бишкек-Ош унаа жолунда кырсык болуп, айдоочу каза тапты. Бул тууралуу Өзгөчө кырдаалдар министрлигинин басма сөз кызматы билдирди.
Маалым болгондой, 1-январда «Бишкек-Ош» унаа жолунун Кара-Суу району тушунан «Мерседес-Бенц Спринтер» унаасы менен «Субару Аутбек» унаасы кагышкан.
Кырсыктан 10 адам ар кандай жаракат алып, Ош облустук ооруканасына түшкөн. Алардын үчөө Кыргызстандын жарандары болсо, жетөө Өзбекстандын жарандары болгон.
Жерине 4 куткаруучу барып, кыпчылып калып каза тапкан «Мерседес-Бенц Спринтер» унаасынын 2001-жылы туулган айдоочусун чыгарышкан.