Бишкек шаардык кеңешин шайлоо 11-апрелде — жекшемби күнү өтөт. Бул тууралуу БШКнын төрайымы Нуржан Шайлдабекова билдирди.
«Жергиликтүү кеңештердин депутаттарын шайлоо жөнүндө мыйзамга ылайык, жергиликтүү шайлоолор апрель айынын экинчи жекшембисинде өтөт», — деди Шайлдабекова.
Кошумчалай кетсек, Бишкек шаардык кеңешинин депутаттары 4 жылга шайланат. Шаардык кеңеш партиялык тизме менен келген 45 депутаттан турат.