Бишкек шаарынын мэри Айбек Жунушалиев шаардык кызматтардын жетекчилиги менен бирге социалдык объектилердин курулушунун жүрүшүн текшерди.
Муниципалитеттен билдиришкендей, бул жолу калаа башчысы Көк-Жар конушундагы Молдокулов көчөсүндөгү үй-бүлөлүк дарыгерлер борборунун имаратынын курулушунун жүрүшү менен таанышты.
Андан соң, муниципалитеттин өкүлдөрү Свердлов районундагы «Алга» спорт комплексинин курулушунун жүрүшү менен таанышты.
Бишкек мэри долбоорлорду сапаттуу жана өз убагында бүткөрүү боюнча бир катар тапшырмаларды берди.
