Словениянын вице-премьер-министри Таня Файон ишкерлердин коштоосунда Кыргызстанга расмий сапар менен келди. Бул тууралуу Тышкы иштер министрлиги билдирди.
Сапардын алкагында тышкы иштер министри Жээнбек Кулубаев словениялык кесиптеши менен кыргыз-словения кызматташтыгынын абалын жана келечегин талкуулайт.
Ошондой эле Словениянын тышкы иштер министри Таня Файон менен КРнын бир катар тармактык министрликтеринин жетекчилиги жолугушат.
Белгилей кетсек, бүгүн Бишкекте «Кыргызстан-Словения» бизнес-форуму өтөт.
