Бишкектеги Жал кичирайонунда эки кыз көп кабаттуу үйдүн чатырына чыгып алган учурдагы видео социалдык тармактарга жарыяланды.
Окуя боюнча Бишкектин Ленин райондук милициясынын маалымат кызматы түшүндүрмө берип, кыздар аман-соо экенин кабарлады.
«Кыздар көп кабаттуу үйдүн чатырына ойноп чыккан, жанын кыюуга аракет кылган эмес», — деп айтылат маалыматта.
Милиция кызматкерлери видеодогу кыздар менен алардын ата-энесин таап, түшүндүрүү иштерин жүргүзгөн.