Бишкекте үйүнөн чыгып кеткен бойдон дайынсыз болуп жаткан 12 жаштагы Саид Бебеза табылды. Бул тууралуу Бишкек ШИИББинен кабарлашты.
Маалыматка ылайык, өспүрүм 21-сентябрь күнү саат 22:00 чамасында Жаш Гвардия бульварында жайгашкан бассейнден алыс эмес жерде жүргөндүгү аныкталып, аман-эсен ата-энесине өткөрүлүп берилген.
Эске салсак, 18-сентябрь күнү Бишкектеги Свердлов РИИБине шаардын жашоочусу кайрылып, арызында уулу дайынсыз болуп жатканын жазган. Аны издөөгө Өспүрүмдөр менен иштөө инспекциясы, Свердлов РИИБи жана Бишкек ШИИББинин кызматкерлери тартылган.