12–13-сентябрь күндөрү Бишкек шаарында «Бир Дүйнө – Кыргызстан» «Сова» маалыматтык-аналитикалык борбору менен биргеликте Кыргызстандагы экстремизмге каршы мыйзамдардын жана жарандык жана саясий укуктар жөнүндөгү эл аралык пакттын 19-беренесинин колдонулушу алкагында ой-пикирлерди билдирүү эркиндигин коргоого арналган окутуу семинарын өткөрдү.
Маалыматка ылайык, семинарга адвокаттар, укук коргоочулар, эл аралык эксперттер, Акыйкатчы институтунун жана мамлекеттик органдардын өкүлдөрү катышты. Эксперттер жана иш-чаранын катышуучулары улуттук ыкмаларды адам укуктары боюнча эл аралык стандарттар менен шайкеш келтирүү зарылдыгын талкуулашты. Ошондой эле, экстремизмге каршы күрөшүүдө “мамлекет тарабынан ратификацияланган эл аралык документтерде, Конституцияда жана мыйзамдарда бекитилген негизги жана өзгөрүлгүс адам укуктары унутта калбашы керектигин” баса белгилешти.
Ошондой эле иш-чарада азыркы учурда КР Улуттук Кыйноолорду алдын алуу боюнча улуттук борбор жоюлуу коркунучунда турганы, антсе дагы, анын макамын сактап калуу үчүн адвокация жана лоббирлөө мүмкүнчүлүктөрү бар экени белгиленди. Бирок, өзгөчө сезимтал аталган тармакта иштеген адвокаттар кооптуу абалга туш болуп жатышканы айтылды, адвокаттардын айрымдары камакка алынган учурлар катталган, аларга жабырлануучуларга жетүү мүмкүнчүлүгү чектелген, мындан тышкары, Кыргыз Республикасынын Юстиция министрлигине караштуу экстремисттик материалдардын маалымат базасындагы маалыматтарды алууга мүмкүнчүлүктөрү жок.
Семинардын катышуучулары тарабынан жарандык жана саясий укуктар жөнүндө эл аралык пакттын 19-беренесин илгерилетүү жана коргоо үчүн бир катар сунуштамалар иштелип чыкты.
АКШда президент Дональд Трампка жана Мамлекетти эффективдүү башкаруу департаментинин башчысы Илон Маскка каршы нааразылык акциялары …
“Бир дүйнө-Кыргызстан” бейөкмөт уюму бирикмелерди түзүү эркиндигине болгон конституциялык укугун жана жарандардын коомдун жана мамлекеттин …
3-декабрдан 7-декабрга чейин Бишкекте «Бир Дүйнө – Кыргызстан-2024» аттуу адам укуктары боюнча XVIII Эл аралык …
Баткен облус аймагында экстремизм жана мыйзамсыз миграцияга каршы аракеттенүү кызматы тарабынан «Нелегал» аталыштагы ыкчам иш …
Бүгүн, 20-февралда Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетинин жыйынында …
Республикалык иммунопрофилактика борборунун маалыматына караганда, жыл башынан бери өлкөдө кызамык менен ооруган 536 учур катталды. …
