Бишкекте Франциянын президенти Эммануэль Макронго каршы митинг өттү.
Чогулган 250 жаран европалык саясатчынын исламга каршы билдирүүлөрүнө нааразы.
Митингди Абдулхамит аттуу активист уюштурган. Анын айтымында, бул акция элдин нааразычылыгын билдирүү максатында уюштурулган.
«Франциянын президенти мусулмандардан кечирим сурашы керек. Ал эми эл шайлап алган бийлик биздин үнүбүздү жеткириши керек», — деди ал.