Бишкекте никеге туруу максатында кыз уурдоого шектүүлөр кармалды.
Ленин РИИБдин басма сөз кызматынын маалыматы боюнча, милицияга 2002-жылы туулган кыз кайрылып, 5-февралда саат 23:40 чамаларында Арзамаск көчөсүндө аны «Б» жана «Э» атуу эки адам күч менен унаага салып кетишкенин айткан. Бирок алар Жамгерчинов—Садыгалиев көчөлөрүнүн кесилишинен кызды унаадан түшүрүп кетип калышкан.
Аталган факт КР Кылмыш-жаза кодексинин 172-беренеси (никеге туруу максатында ала качуу ) менен каттоого алынган.
Шектүү катары 1995-жылы туулган Б.Б. менен 1994-жылы туулган Ж.Э. аттуу жарандарды кармап,
убактылуу кармоочу жайга киргизген.
Учурда тергөө уланууда.