Бишкекте жол кырсыгынан маршрутка оодарылып кетип, жүргүнчүлөр жабыркады. Бул тууралуу Милициянын кайгуул кызматы кабарлады.
Маалыматка ылайык, бүгүн болжол менен саат 14:00дө Киев-Панфилов көчөлөрүнүн кесилишинде жол кырсыгы катталып, жеңил автоунаанын айдоочусу № 129 маршрутканы сүзүп алган.
«Кырсыктан маршрутканын төрт жүргүнчүсү жабыркап, ооруканага жаткырылган»,-деп айтылат маалыматта.
Учурда эки унаа тең айып короо жайына киргизилип, окуянын чоо-жайы териштирилүүдө.