Бишкек шаарында кичи автобустарды каттамдан чыгаруу жолу менен борбор калаанын борбордук бөлүгүн бошотуу пландалууда. Бул тууралуу мэриядан билдиришти.
Маалыматка ылайык, Бишкек шаарынын борбордук көчөлөрүн кичи маршруттук каттамдардан бошотуунун биринчи этабы үстүбүздөгү жылдын 10-апрелинен тарта пландаштырылууда. Ахунбаев көчөсү жана 7 — апрель көчөсү (Курманжан Датка) – Чүй проспектиси — Манас проспектиси менен чектелген алкактан кичи автобустар чыгарылып, анын ордуна автобустар каттамга чыгат.
Ага ылайык, төмөнкү кичи маршруттук каттамдар чыгарылат: № 111, 118, 130, 134, 135, 136. Унаалардын жалпы саны 135.
Экинчи этап 10-майдан башталат. Анын алкагында 159 даана кичи маршруттук каттам шаар сыртына чыгарылат. Алар төмөнкү каттамдар: №138, 163, 192, 202, 207, 220.
Үчүнчү этап 1-июнда башталып, 589 даана пландык чыгуусу менен төмөнкү кичи маршруттук каттамдар калаа сыртына чыгат: № 224, 234, 243, 246, 257, 258, 275 жана “Жүргүнчүлөрдү ташуу бирикмеси” муниципалдык ишканасынын №150, 143, 131, 117, 112, 101, 164, 179, 185, 201, 211, 223, 227, 230, 240, 250, 252, 260, 285, 295-каттамдар.
Белгилей кетсек, жакынкы аралыкта Бишкек шаарында бардык кичи автобустар толугу менен автобустарга алмаштырылат.
Кичи автобустардын айдоочулары муниципалдык автобустун айдоочусу болуп ишке орношсо болот. Бирок окуудан өтүү керек. Анын мөөнөтү иш стажына жараша аныкталат. Бүгүнкү күндө автобус айдоочусунун айлык акысы 98 миң сомго чейин жетет.
1-майдан тартып Бишкектеги фонтандар иштеп баштайт. Бул тууралуу мэриянын басма сөз кызматынан кабарлашты. Маалыматка ылайык, …
Баңгизаттарды мыйзамсыз алып өтүү боюнча туруктуу канал уюштурган трансулуттук кылмыштуу топтун ишмердүүлүгү токтотулду. Бул тууралуу …
Бишкек шаарынын күнүнө карата веложарыш өтөт. Бул тууралуу Бишкек мэриясы тараткан маалыматта айтылат. Маалыматта айтылгандай, …
Бишкекте милиция кызматкерлери тарабынан бейбаштыкка шектүү жаран кармалды. Бул тууралуу Октябрь райондук милициясынан билдиришти. Маалыматка …
Бишкек шаарында массалык уулануу катталып, 39 адам медициналык мекемелерге кайрылган. Бул тууралуу Санитардык-эпидемиологиялык көзөмөлдөө борборунан …
19-апрелде Бишкек шаардык перинаталдык борбордо кесарево жолу менен үч эм төрөлдү. Саламаттык сактоо министрлигинен билдиршкендей, …
