Бишкек.01.08.2019.Govori.TV.
Бишкекте эки жигит унаа уурдоого шектүү катары кармалды. Бул тууралуу Бишкек шаардык милициясынын басма сөз кызматы кабарлады.
Маалыматка ылайык, Октябрь райондук милициясына 29-июль күнү Б.К. аттуу шаар тургуну арыз менен кайрылып, «Кара-Жыгач» тараптан белгисиз бирөөлөр «Фольксваген Гольф-3» унаасын айдап качып кеткенин айткан.
Бул факт Кылмыш жана жоруктардын бирдиктүү реестринде 206-каттоого алынып, окуяга шектүү катары 2001-жылы туулган С.Ж. жана Т.С. аттуу балдар кармалган.
Учурда алар убактылуу кармоочу жайда кармалууда.