21-25-октябрь күндөрү Бишкектин борбордук бөлүгүндө газ убактылуу өчүрүлөт. Бул тууралуу Бишкек шаарынын мэриясынын басма сөз кызматы билдирди.
Мэриядан белгилешкендей, газ шаардын Калык Акиев, Шопоков көчөсү жана Жибек-Жолу, Чүй проспекттери менен чектелген бөлүгүндө убактылуу өчүрүлөт. Жалпы 4 миң 226 абонент көгүлтүр отсуз калат.
Газды өчүрүү жер алдындагы газ түтүгүн оңдоо иштерине байланыштуу болууда.
