Бишкек.26.06.2019.Govori.TV.
Интернетте Бишкектин чок ортосунда сооттолгон унаалар жолду тороп турган сүрөттөр жарыяланды.
Маалым болгондой, Чокморов көчөсүнүн Тыныстанов менен Эркиндик проспектиси кесилишкен аймагы торолгон. Жеринде Ички иштер башкы башкармалыгы менен Жол кыймылы коопсуздугун камсыздоо башкармалыгынын кызматкерлери турат.
ШИИББдин маалымат кызматынан билдиришкендей, бул аймакта ЖККУга мүчө өлкөлөрдүн өкүлдөрүнүн жыйыны өтүп жатат. Ал эми милиция алардын коопсуздугун камсыздоодо.
Сооттолгон унаалар ШКУнун саммитинде Кытай өкмөтү тарабынан белекке берилген.
