Бишкек мэриясынын маалыматына ылайык, Москва көчөсүнүн Манас проспектисинен баштап Абдрахманов көчөсүнө чейинки тилкесинде жол оңдоо иштери толугу менен аяктады.
«Аталган тилкеде бордюрлар алмаштырылып, шагылдуу-мастикалык асфальт бетон колдонулган. Москва көчөсү ачылгандан кийин Токтогул көчөсү кайрадан бир тараптуу болуп калды», — деп айтылат маалыматта.
Ал эми коомдук транспорттор күнүмдүк график менен иштеп, №4, №8, №10 троллейбустар Москва көчөсү менен каттап баштады.
