Бостериде парашют менен учуп бара жаткан жигит аттракционго илинип калган. Бул тууралуу ӨКМ кабарлады.
Маалыматка ылайык, Ысык-Көл облусунун Ысык-Көл районуна караштуу Бостери айылындагы пансионаттардын бириндеги каруселге 2 жаран парашют менен илинип калгандыгы тууралуу маалымат түшкөн.
Жерине 4 куткаруучу тартылып, жогоруда аталган адамдарды жергиликтүү тургундар менен биргеликте аман-эсен түшүрүшкөн. Аталган жарандардын ден соолугуна зыян алып келген эмес, абалдары туруктуу.
Буга чейин социалдык тармактарда Ысык-Көлдүн Бостери айылында парашют менен учуп бараткан жигит аттракционго илинип калганы тууралуу видео тараган.