Борбордук шайлоо комиссиясынын төрагасы Тынчтыкбек Шайназаров депутаттар тарабынан сунушталган шайлоо боюнча конституциялык мыйзамга өзгөртүү киргизүү жөнундөгү мыйзам долбоору боюнча баа берүүдөн алыс экенин билдирди.
«Депутаттардын демилгеси учурда коомдук талкууга коюлду. Борбордук шайлоо комиссиясы тарабынан талкуулар жүрүп, сунуштар каралып жатат. Албетте депутаттарынын демилгелерине баа бере албайм. Мыйзам кабыл алынса, Борбордук шайлоо комиссиясы аны ишке ашырат, ошонун негизинде иштейбиз», — деди ал.
Ошону менен катар Шайназаров шайлоо өз убагында, тагыраагы 2026-жылы өтө турганын кошумчалады.
Эске салсак, Жогорку Кеңештин төрагасы Нурланбек Тургунбек уулу баштаган бир нече депутаттар тобу демилгелеген «Кыргыз Республикасынын президентин жана Кыргыз Республикасынын Жогорку Кеңешинин депутаттарын шайлоо жөнүндө» КР конституциялык мыйзамына өзгөртүүлөрдү киргизүү тууралуу» мыйзам долбоору 17-февралда коомдук талкууга коюлду.
Сунушталып жаткан жаңы мыйзам долбооруна ылайык, Кыргыз Республикасынын Жогорку Кеңешинин депутаттарын шайлоону өткөрүү үчүн 30 көп мандаттуу аймактык шайлоо округу түзүлөт, алардын ар биринде Жогорку Кеңештин 3төн депутаты шайланат. Ал эми талапкерлерди көрсөтүү укугу саясий партияларга жана жарандарга (өзүн-өзү көрсөткөндөргө) берилет.
ЖК жыйынында депутат Исманалы Жороев шайлоодон кийин кызмат бөлүштүрүү маселеси ошол кездеги спикер Нурланбек Тургунбек …
Жогорку Кеңештин мурдагы төрагасы Ахматбек Келдибеков президенттик шайлоого катышуу ниети жок экенин фейсбук баракчасы аркылуу …
Бүгүн Борбордук шайлоо комиссиясы талапкерлер тарабынан үгүт шарттарын бузган жагдайларды карады. Боршайкомдун маалыматына караганда, анын …
Бүгүн №13 көп мандаттуу шайлоо округу боюнча Жогорку Кеңештин депутаттарын кайра шайлоо алдындагы үгүт иштери …
Саясатчылар, коомдук ишмерлер болуп 75 адамдан турган топ президент Садыр Жапаровго жана Жогорку Кеңештин төрагасы …
Шайлоочулардын шайлоого катышуусун жогорулатуу үчүн добуш берүүгө катышкандар арасында ар кандай лотереяларды өткөрүү сунушталууда. Бул …
