БШКнын мүчөсү Кайрат Маматов УКМКга сурак берип чыкты. Маалыматты Govori.TVга Маматов өзү тастыктады.
Маалыматка караганда ал 2-декабрда «Айыл банктагы» коррупциялык иш боюнча күбө катары чакырылган.
“Мен аталган банктан үч жыл мурун кызматтан кеткем. Биздин убакта берилген насыялар, андан кийин кайсы жетекчилер иштеген өздөрү жооп берет да»,-деди ал.
Маматов 2013-2019-жылдары “Айыл Банк” ачык акционердик коомунун директорлор кеңешинин төрагасы болуп иштеген.
Эске салсак, Улуттук коопсуздук боюнча мамлекеттик комитет 100% акциясы мамлекетке тиешелүү болгон «Айыл Банк» ачык акционердик коомунун ишмердүүлүгүндөгү коррупциялык көрүнүштөрдү текшерген. Расмий маалыматка ылайык, текшерүүнүн жыйынтыгында «Айыл Банк» тарабынан айрым компанияларга өтүмсүз мүлктү күрөөгө коюп, ири өлчөмдөгү кредиттерди мыйзамсыз жана туура эмес бөлүп берүү фактылары тастыкталган. Фактылар боюнча Кылмыш-жаза кодексинин 319-беренесинин 1-бөлүгү («Коррупция») боюнча сотко чейинки өндүрүш иши башталып, тергөө амалдары жүрүп жатат.
Президент Садыр Жапаров 26-ноябрда Коопсуздук кеңешинин жыйынында УКМКнын башчысы Камчыбек Ташиевге мамлекеттик банктардын дыйкандарга жеңилдетилген насыя бергенин текшерүү тапшырмасын берген болчу.
Эркин журналист, блогер Ыдырыс Исаков Ош шаардык ички иштер башкармалыгына сурак берип чыкты. Бул тууралуу …
Жогорку Кеңештин депутаты Өмүрбек Бакиров бүгүн, 27-декабрда Улуттук коопсуздук мамлекеттик комитетине сурак берип чыкканын «Азаттыкка» …
Жогорку Кеңештеги «Бүтүн Кыргызстан» фракциясынын лидери депутат Адахан Мадумаров Башкы прокуратурада сурак берип чыкты. Сурактан …
Өмүрбек Текебаев, Бектур Асанов жана Кеңешбек Дүйшөбаев Башкы прокуратурага сурак беришти. Бул тууралуу Govori.TVга Башкы прокуратурадан …
ЖК депутаты Дастан Бекешев Улуттук коопсуздук боюнча мамлекеттик комитеттин Бишкек шаардык башкармалыгында 15-ноябрда үч саттан …
Жогорку Кеңештин депутаты Дастан Бекешев Аскер прокуратурасына күбө катары суракка чакырылды. Депутаттын айтымында, ал Кумтөр …
