• Бейшемби 6 Бугу 2021

Чүй районунда ат уурдоого шектүү кармалды

21 апреля 2021 в 9:33 Бишкек Govori.TV

Чүй районунда ат уурдоого шектүү кармалды. Бул тууралуу облустук милициядан билдиришти.

Маалыматка ылайык, Чүй районунун ИИБнө Б.К. аттуу жергиликтүү жашоочу арыз менен кайрылып, 22-февраль күнү арыз ээсинин сарайынан белгисиз бирөөлөр минген атын уурдап кетишкенин билдирген.

Бул окуя кылмыштардын жана жоруктардын бирдиктүү реестрине Кыргыз Республикасынын Жазык кодексинин 200-беренеси (Уурдоо) боюнча катталып, сотко чейинки өндүрүш иштери башталган.

“Жүргүзүлгөн ыкчам издөө иш-чараларынын натыйжасында жогорудагы кылмышка шектелип 24 жаштагы Т.А. аттуу жаран кармалып, убактылуу кармоочу жайга камакка алынган”,-деп айтылат маалыматта.

Учурда шектүү жарандын дагы башка кылмыш иштерине тиешеси бар же жок экендиги боюнча ыкчам тергөө иш-амалдары жүргүзүлүүдө. Сотко чейинки өндүруш иштери улантылууда.

Количество просмотров: 31