Чүй облусуна караштуу Петровка айылында мал уурулукка шектелип 6 жаран кармалды. Бул тууралуу ОИИБдин басма сөз кызматы билдирди.
Маалыматка ылайык, 9-январда 62 жаштагы жергиликтүү тургундун сарайынан ири мүйүздүү малдар уурдалган. Москва РИИБдин криминалдык милиция кызматкерлери тарабынан 6 жаран кармалып, убактылуу кармоочу жайга киргизилген.
«Жалпы чыгым 100 миң сомду түздү. Жабырлануучулар милицияга кайрылып, бул факт Жазык кодексиндеги 200-берене (уурулук) боюнча Кылмыштар жана жоруктардын бирдиктүү реестрине катталган», -деп айтылат маалыматта.
Учурда тергөө иштери башталган.