Ушул жылдын январь айында Октябрь райондук сотунун имаратынан качып кеткен жаран кармалды. Бул тууралуу Чүй облустук милициясынан билдиришти.
Маалыматка ылайык, КР ИИМдин каттоосунда турган, уюшкан кылмыштуу топтун мүчөсү катары издөөдө жүргөн жаран Чүй облусуна караштуу Вознесеновка айылындагы үйлөрдүн биринен кармалган.
Кармоо учурунда К.М., каршылык көрсөткөн, бирок Чүй облусу боюнча атайын отрядынын кызматкерлери кылмышкерди кармашкан, — деп айтылат маалыматта.
Учурда кармалган жаран Бишкектин Октябрь райондук ИИБнин кызматкерлерине өткөрүлүп берилген.