Бишкек.23.07.2019.Govori.TV.
Кыргыз-тажик чек арасындагы 315 киши Баткен шаарына көчүрүлдү. Бул тууралуу Кыргызстандагы «Кызыл жарым ай» коому Өзгөчө кырдаалдар министрлигинин Баткендеги бөлүмүнө таянып билдирди.
Маалыматка ылайык, 55 киши үй-бүлөлөргө, 260га жакыны убактылуу уюштулган лагерлерге жайгаштырылган. Ал эми коопсуз аймакка көчүрүлгөндөрдүн көбү аялдар жана балдар экени айтылды.
Эске салсак, 22-июлда кыргыз-тажик чек арасында чыр чыгып, ок атуудан 16 кыргызстандык жабыркап, ооруканага түшкөн.
