Бүгүн, 12-декабрда Юстиция министри Аяз Баетов жыл жыйынтыгын чыгарган маалымат жыйын өткөрдү. Анда журналисттер “Чет элдик өкүл жөнүндө” мыйзам долбоору Юстиция министрлигинин позициясына кызыкты.
Баетовдун айтымында, министрлик аталган мыйзам долбоору боюнча өкмөттүн корутундусу даярдалып жаткан учурда өз көз карашын билдирген.
«Юстиция министрлиги Министрлер кабинетинин курамына кирет. Ошондуктан мен жалпы позицияны айта алам. Өкмөт 20 барактан турган корутундуну берген, анын ичинде сын-пикирлер дагы бар»,-деди Баетов.
Эске салсак, 14-июлда Министрлер кабинети “Коммерциялык эмес уюмдар жөнүндө” мыйзамга өзгөртүү киргизүү боюнча документке корутунду берип, долбоорду жеткире иштеп чыгуу зарыл экенин билдирген.
Бейөкмөт уюмдарга көзөмөлдү күчөтөт деп сынга кабылган «чет өлкөлүк өкүл» тууралуу мыйзам долбоорун ЖК депутаты Надира Нарматова жазып, былтыр ноябрда коомдук талкууга чыгарган. Башында өзү жалгыз автор болуп көрсөтүлгөн документке дагы 32 депутат демилгечи болуп кошулган. Бирок кийин алардын айрымдары авторлуктан кайра баш тарткан.
“Адилет” укуктук клиникасы бул “чет өлкөлүк өкүл” мыйзамын талдап чыгып, анын 98% Орусиянын “чет элдик агенттер” тууралуу мыйзамынан көчүрүлүп алынганын аныктаган.
Ал эми депутат Надира Нарматова мыйзам долбоору сөз эркиндигин, бейөкмөт же эл аралык уюмдардын ишин чектебей турганын айтып келет.
Президент Садыр Жапаров 2-апрелде коммерциялык эмес уюмдардын ишин көзөмөлдөгөн мыйзамга кол койду. Мамлекет башчысы көпчүлүктү, …
Юрист Таттуубүбү Эргешбаева талаш жараткан “чет өлкөлүк өкүл” мыйзам долбооруна байланыштуу президент Садыр Жапаровго кайрылуу жолдоду. «Урматтуу …
«Чет элдик өкүл» мыйзамы чийки болуп калды. Мындай пикирин Жогорку Кеңештин депутаты Эльдар Абакиров билдирди. …
Жогорку Кеңеш 25-октябрдагы жыйынында «Чет элдик өкүл жөнүндөгү» мыйзам долбоорун карап, аны биринчи окууда талкуусуз …
“Чет элдик өкүл” мыйзамы кечээ парламенттик дагы бир комитетте биринчи окууда колдоо тапты. Конституциялык мыйзамдар, …
«Чет элдик өкүл» мыйзамына каршымын. Мындай пикирин Жогорку Кеңештин депутаты Динара Ашимова билдирди. «Мен бул …
