Чоң Чүй каналына түшүп кеткен 44 жаштагы жарандын сөөгү табылды. Бул тууралуу ӨКМдин басма сөз кызматы билдирет.
Маалыматка ылайык, үстүбүздөгү жылдын 5-июлунда Патрис Лумумба көчөсүндө Чоң Чүй каналына 1976-жылы туулган эркек киши түшүп кеткен.
24-июль күнү издөө иш-чараларын улантуу максатында саат 10:30да Бишкек шаардык куткаруу кызматынан 2 куткаруучу жана Суучулдар кызматынан 2 суучул тартылган. Издөө иштеринин натыйжасында Совхоз-Фрунзе айылында маркумдун сөөгү суудан чыгарылып, туугандарына өткөрүлүп берилген.
