Токтогул районунун Чычкан капчыгайынын ичиндеги кафелердин биринин тапчанында денесинде жарааттары бар Токтогул районунун 2000-жылы туулган тургунунун жансыз денеси табылган. Бул тууралуу Жалал-Абад ОИИБден билдиришти.
Окуя 3-май күнү болгон. Жерине Токтогул РИИБдин тергөө-ыкчам тобу, жетекчилиги чыгып кароо жүргүзүлүп тиешелүү материалдар топтолгон.
Бул факты Токтогул райондук ички иштер бөлүмүнүн тергөө кызматы тарабынан Кылмыш-жаза кодексинин 122-беренесинин негизинде Кылмыштардын бирдиктүү реестрине катталып, кылмыш иши козголгон.
«Жүргүзүлгөн ыкчам-иликтөө иштеринин натыйжасында жогорудагы кылмышка шектүү катары Токтогул районунун 2003 жана Токтогул районунун 1991-жылы туулган тургуну (аял киши) кармалып, убактылуу кармоочу жайга киргизилген»,-деп жазылат маалыматта.
Учурда тергөө амалдары жүрүүдө.