Бишкек.30.05.2019.Govori.TV.
Бишкекте «Чыныгый коррупция менен күрөш үчүн» деген ураан менен тынч митинг өткөрүү пландалууда. Бул тууралуу жарандык активист Рита Карасартова фейсбук баракчасына жазды.
«Азыр биз чечкиндүү кадамга барбасак, эч нерсе оңолбойт окшойт. Сизди азыркы коррупция менен күрөш канааттандырабы? УКМКнын иши канааттандырабы? Миллиондор бюджетке түшпөй жатканы, ошол маселеге бийлик кош көңүл болуп, күрөш саясий багытка оогону сизди канааттандырабы?» деди ал өз билдирүүсүндө.
Карасартова мэрияга эки саатка созула турган митингди 3-июнда өткөрүү пландалып жатканы тууралуу билдирүү жөнөткөн.
