Бүгүн АКИ пресс маалымат агенттигинде маалымат жыйын өтүп анда Баткен облусунун Көк-Таш айылынын тургундары бийликке кайрылуу жасашты.
Алардын айтымында, буга чейинки чыр-чатактар кайым-айтышуу менен болуп келсе, айрымдарында ок да атылып жатат, тургундардын өмүрлөрү коркунучтар болуп жатат .
«Биринчиден Өзгөчө кырдаалдар министрлигин жана башка тиешелүү түзүмдөрдүн чек арада жакын аймакка көчүрүп баруусун суранабыз. Бийликтен суранаарыбыз делимитация жана демаркация маселесин эртерээк карап чыгып, жагдайды чечип берүүнү суранат элек. Жакын жайгашкан эки элдин ортосунда ар дайым эле уруш, талаш-тартыш жүрө берет, уруштар чыга берет. Бийлик такыр эле көңүл бурбай койду дегенден алыспыз, бирок жетишээрлик болбой жатат. Мисалы биз алмаштыруу жолдорун да жана болжолдуу түрдүү алмаша турчу жерлерди да сунуштап жатабыз. Ошол сунушубузду бийлик карап чыгуусун талап кылабыз», — деди Көк-Таш айылынын тургуну.
Эске салсак, буга чейин чек арада жайгашкан бул айылда 9нан 10-январга караган түнү чыр чыгып, мергенчилик куралдан ок да атылган. Чыгр чыккан аймакка маселени жөнгө салуу максатында ИИМ министринин орун басары, чек ара кызматынын төрагасынын биринчи орун басары жөнөп кеткен болчу.
