Кошмо Штаттарда коронавирустан өлгөндөрдүн саны миңден ашты. 70 миңге чукул киши бул илдетти жугузуп алды. Буга чейин өзгөчө абал киргизилген Вашингтон, Нью-Йорк, Калифорния жана Луизиана штаттарынын катарына шаршембиде Техас да кошулду.
Дүйнөдө айыгып чыккан 115 миңдей адамдын басымдуу бөлүгү кытайлыктар.
Италияда вирусту жугузгандар 75 миңге жетип, Кытайдын көрсөткүчүнө жакындады. Кыргызстанда 26-мартка карата коронавируска 44 киши чалдыкты.
Эксперттер Жер жүзү боюнча бул илдетке кабылгандардын так санын тесттердин жетишсиздигинен улам мүмкүн болбой жатканын, алардын саны алда канча көп болушу ыктымал экенин эскертип жатышат.