Депутат Чыңгыз Айдарбеков Жогорку Кеңештин Эл аралык иштер, коргоо жана коопсуздук боюнча комитетинин жыйынында Кыргызстан коңшуларына суу да өлкөнүн ресурсу экенин негиздүү түшүндүрүшү керектигин айтып, кетип жаткан суу үчүн акы алууну айтты.
«Суу да бир өзүнчө ресурс. Сугат мезгилинде сууну чогултуп, камдап, кошуналарга беребиз. Ошол үчүн акча алып жатабызбы? Газды сатып алып жатабыз, бул ресурс деп. Суу да ошондой эле ресурс. Албетте, башка өлкөлөр каршы болот, бирок буга чейин эле аргумент менен талап коюу керек”, — дейт эл өкүлү.
