“Кыргызстан” партиясынын лидери Канатбек Исаевдин апасы дүйнө салды. Бул тууралуу партия өкүлдөрү кабарлаганын жергиликтүү басылмалар жазды.
Асымбүбү Ташыбаеваны акыркы сапарга узатуу зыйнаты 6-июль күнү саат 10.00до Чүй районунун Кошой (Калиновка) айылында өтөт.
Асымбүбү Ташыбаева 1941-жылы, 12-майда Нарын облусунун, Ак-Талаа районунда туулган. Мугалимдик кесипти аркалап, физика-математика сабагынан балдарга билим берген.
Асымбүбү Ташыбаева “Баатыр эне” ордени менен сыйланып, Кыргыз Республикасынын эмгек сиңирген мугалими наамына татыган.