Бул жолку парламенттик шайлоого келгендердин саны аз болуп жатканы кабарланууда. БШКнын акыркы берген маалыматына таянсак, 18:00гө карата шайлоочулардын 28,36 пайызы добуш беришкен. Эң активдүү шайлоочулар Ош шаары менен Баткен облусунда байкалган. Ал эми шайлоочулар аз келүүсү Чүй жана Ысык-Көл облустарында байкалууда.
Ал эми өткөн шайлоодогу жарандардын активдүүлүгү менен салыштырганда бул жолу шайлоочулар кыйла аз келгенин көрүүгө болот.
Белгилей кетсек, өлкө боюнча 3 миллион 700 миңден ашык жаран шайлоочулардын тизмесине киргизилген.
Ал эми президент Садыр Жапаров жарандарды активдүү катышууга чакырып, а түгүл облус жетекчилерине «шайлоочуларды жетелеп алып келгиле» деген тапшырма да койгон.
Борбордук шайлоо комиссиясы берген маалыматка таянсак, партиялык тизме менен келе турган 54 мандатка 21 партиядан 1004 талапкер, ал эми бир мандаттуу округдардан шайлана турган 36 орунга 287 талапкер ат салышып жатат.
Эске салсак, былтыр 4-октябрдагы шайлоонун жыйынтыгы элдин нааразылыгынан улам жокко чыгып, өлкөдө бийлик алмашкан. Жаңы келген бийлик жаңы Конституция кабыл алып, өлкө президенттик башкарууга өткөн.
Жогорку Кеңештин алтынчы чакырылышы мөөнөтүнөн бир жыл ашык иштеди.
Бүгүн Кыргызстандын өлкө башчысы Садыр Жапаров Россия Федерациясынын президенти Владимир Путин менен телефон аркылуу сүйлөштү. …
Орусияда 15-марттан 17 -мартка чейин өткөн президенттик шайлоонун алдын ала эсептөөлөрү боюнча Владимир Путин алдыда …
АКШнын Жогорку Соту Колорадо сотунун Дональд Трампка президенттик шайлоого катышууга тыюу салган чечимин жокко чыгарды. …
7-февралда Азербайжанда мөөнөтүнөн мурда президенттик шайлоо өтүүдө. Оппозиция ага катышуудан баш тарткан, жеңишке өлкөнүн азыркы …
Орусиянын Борбордук шайлоо комиссиясы Владимир Путинди президенттикке талапкер катары каттоого алды. Конституцияга киргизилген өзгөртүүлөргө ылайык, …
Владимир Путин 2024-жылы мартта өтө турган президенттик шайлоого талапкерлигин коёрун ноябрдын башында жарыялашы мүмкүн. Бул …
