• Жума 19 Теке 2024
  • Пятница 19 Июль 2024
epa11378921 A journalist sits in front of the pictures of late Iranian president Ebrahim Raisi and late Iranian foreign minister Hossein Amir Abdollahian during the first day of registration for the Iranian presidential election at the interior ministry in Tehran, Iran, 30 May 2024. Iran will hold presidential election on 28 June, following the death of late president Ebrahim Raisi in a helicopter crash on 19 May. EPA-EFE/ABEDIN TAHERKENAREH

Иранда президенттик кызматка талапкерлерди каттоо башталды

31 Бугу 2024 9:22 Бишкек Govori.TV

30-майда Иранда президенттик кызматка талапкерлерди расмий каттоо башталды. Бул тууралуу «Фарда» радиосу («Азаттыктын» перс кызматы) кабарлады.

Талапкерлерди каттоо беш күнгө созулат. Өлкөдө мөөнөтүнөн мурда президенттик шайлоо 28-июнга белгиленген.

Мамлекеттик IRNA агенттиги бүгүнкү күнгө карата болжол менен 25 киши талапкер болууга арыз бергенин, бирок алардын бири да кабыл алынбаганын жазды.

Талапкерлердин акыркы тизмесин Конституцияны коргоо кеңеши 11-июнда жарыялайт. Бул кеңештин мүчөлөрүн Ирандын руханий лидери Али Хаменеи дайындайт.

19-майда тик учак кырсыгында каза болгон өлкөнүн буга чейинки президенти Эбрахим Раиси 85 жаштагы Хаменеинин ыктымал мураскери деп айтылып келген. Иранда өлкөнү президент эмес, руханий лидер эсептелген улуу аятолла башкарат.

Катаал саясатчы катары таанылган 63 жаштагы Раиси Ирандын президенти болуп 2021-жылы шайланган. Ал 1988-жылы Иран-Ирак согушунун соңунда миңдеген саясий туткунду жапырт өлүм жазасына тартууга катышкандыгы үчүн АКШнын санкциясына кабылган.

Количество просмотров: 104