Абакта 27-июлдан бери ачкачылык кармап отурган саясатчы, «Туран» партиясынын лидери Жеңиш Молдокматов Улуттук кардиология жана терапия борборунда текшерүүдөн өтүп жатат. Бул тууралуу «Туран» саясий партиясынын социалдык тармактагы баракчасында маалымдалат.
«Абактагы оппозиционер саясатчы Жеңиш Молдокматов ачкачылык жарыялаганына толук 11 күн болду. Буга чейин жактоочусу, Акыйкатчы институту медициналык көзөмөлдөн өткөрүш керектигин айтып келишкен. Бирок, атайын кармоочу жайда доктур жоктугун айтышып, текшерүүдөн өткөрүүдөн баш тартышкан. Бүгүн Жеңиш Молдокматов Улуттук кардиология жана терапия борборуна алынып келинип, медициналык көзөмөлдөн өтүүдө.Анын ден-соолугу начарлаганы менен, бекем карманууда»,-деп жазылат маалыматта.
Буга чейин Жеңиш Молдокматов акциясын токтотконун «Азаттык” радиосуна 5-августта өлкөнүн акыйкатчысынын аппарат башчысы Аскат Азарбеков билдирген.
Ал эми «Туран» партиясынын мүчөсү Эрлан Бекчоро уулу Молдокматов ачкачылыгын токтотпогонун, медициналык текшерүүдөн өтүп жатканын айтты.
Эске салсак, Молдокматов Ички иштер министрлиги тарабынан 6-майда кармалган. Ага 2020-жылдагы октябрь окуяларында «УКМКнын имаратын басып алууга аракет кылган» деген айып тагылган. Кийин берене өзгөртүлүп, «октябрь окуяларында жапырт башаламандык уюштурган» деген кине коюлган. Молдокматов өзүнүн камалышын саясий куугунтук катары баалап келет.
Кемпир-Абад иши боюнча абакта жаткан саясатчы Жеңиш Молдокматов соттун ачык өтүшүн талап кылды. Бул тууралуу …
Кемпир-Абад иши боюнча абакта жаткан саясатчылар Равшан Жээнбеков, Кеңешбек Дүйшөбаев жана Жеңиш Молдокматов материалдар менен …
Саясатчы Жеңиш Молдокматовдун камактагы мөөнөтү 2 айга узартылды. Бишкек шаарынын Биринчи май райондук сотунун 15-февралдагы …
Кемпир-Абад ишине байланыштуу камалган саясатчы Жеңиш Молдокматов 3-февралда аудио жазуулардын соттук-лингвистикалык экспертизасынын жыйынтыгы менен таанышканын, …
Бишкек шаардык соту 27-декабрда Кемпир-Абад ишине байланыштуу кармалгандардын бөгөт чарасын кароону улантууда. Сот залына саясатчы …
Бүгүн, 13-декабрда Бишкек шаардык сотунда массалык башаламандык уюштурууга шек саналып кармалган жарандардын бөгөт чарасын кароо …
