Бишкек шаарында жана Чүй облусунда жол кыймылына убактылуу чектөөлөр киргизилет. Бул тууралуу ИИМдин басма сөз кызматы билдирди.
Маалыматта айтылгандай, 21-22-август күндөрү Казакстан Республикасынын Президенти Касым-Жомарт Токаев Кыргыз Республикасына мамлекеттик сапары менен келет.
Мамлекеттик деңгээлдеги иш-чараны өткөрүүгө байланыштуу, коомдук тартипти сактоого жана жол кыймылынын коопсуздугун камсыз кылууга 3500гө жакын милиция кызматкерлери тартылат. Ички иштер органдарынын кызматкерлери расмий иш-чараларды өткөрүү мезгилинде күчөтүлгөн тартипте кызматын өтөшөт.
Делегациянын кортежи өткөн учурларда Бишкек шаарынын жана Чүй облусунун айрым көчөлөрүндө жол кыймылына убактылуу чектөөлөр киргизилет: “Манас” аэропортунан Мамлекеттик резиденцияга, андан кийин Дооронбек Садырбаев көчөсү менен Ата-Бейит мемориалдык комплексине чейин.
«Урматтуу жарандар, иш-чаранын маанилүүлүгүн эске алуу менен киргизилген чараларга түшүнүү менен мамиле кылууну суранабыз. Тыгындардын алдын алуу үчүн жол багытыңыздарды алдын ала мерчемдеп алууну, жол кыймылынын эрежелерин сактоону жана унааларды борбордун көчөлөрүнүн боюна калтырбоону сунуштайбыз», — деп айтылат маалыматта.
Бишкекте автобус айдоочуларынын айлыгы көтөрүлөт. Бул тууралуу вице-мэр Рамиз Алиев билдирди. Анын айтымында, бул чечим …
Өзгөчө кырдаалдар министрлиги шашылыш билдирүү таратты. Ага ылайык, жакынкы бир саат аралыгында жана кечинде Бишкек …
Чуңкурчак жайлоосунда Экологиялык жана техникалык көзөмөл кызматы тарабынан жайыттарды коргоо жана жаратылыш аймактарында мототранспорт каражаттарынын …
Ош облусунда жол милициясына карматпай качкан айдоочу башка посттон бөгөт коюп тоскон автоинспектордун машинасын сүзгөн. …
ӨКМ чукул билдирүү таратып Бишкек жана Чүйдө катуу шамал болорун эскертти. Маалыматка ылайык, жакынкы бир …
Кыргыз Республикасынын Өзгөчө кырдаалдар министрлиги Бишкек шаары жана Чүй өрөөнү үчүн шашылыш штормдук эскертүү таратты. …
