Кыргызстандын аракеттеги медиа платформасы журналисттерге кысым күчөгөнүнө, так айтканда “Новые лица” онлайн-басылмасынын башкы редактору Лейла Саралаева жана “Азаттык” радиосуна карата «Анык эмес (жалган) маалыматтан коргоо жөнүндө» мыйзам колдонулуп жатканына тынчсыздануусун билдирет.
Бул көрүнүштү көз карандысыз ЖМКнын редакциялык саясатына кийлигишүү жана басма сөз эркиндигин чектөө аракети деп эсептейт.
«Мамлекеттик органдар журналисттер чыгарган маалыматтарга өз фактыларын жана далилдерди келтирүүнүн ордуна, сын айткан басылмалардын оозун басуу үчүн жазалоо ыкмаларын колдонуп жатканы өкүнүчтүү».
Мындай билдирүүгө 2024-жылдын 4-сентябрында КР Маданият, маалымат, спорт жана жаштар саясаты министрлиги кат аркылуу “Новые лица” интернет-басылмасынын башкы редактору Лейла Саралаевадан “Бишкекке марш” аттуу макаланы сайттан алып салууну талап кылгандыгы себеп болгондугун эске сала кетебиз.
Бул материалды таратканы үчүн министрлик “Эркин Европа/Азаттык” радиосунун кыргыз кызматына эскертүү берди. Министрлик бул маалымат “чындыкка дал келбейт” деп эсептейт.
Кыргызстандын аракеттеги медиа платформасы журналисттерге, анын ичинде Лейла Саралаевага, “Эркин Европа/Азаттык” радиосунун кыргыз кызматына жана башка көз карандысыз медиа өкүлдөрүнө кысым көрсөтүүнүн ар кандай түрлөрүн токтотууну; Кыргыз Республикасынын Конституциясына жана өлкөнүн эл аралык милдеттенмелерине ылайык сөз жана басма сөз эркиндигин коргоону камсыз кылууну; Жогорку Кеңештин депутаттарын демократиянын жана адам укуктарынын принциптерине туура келбеген “ Анык эмес (жалган) маалыматтардан коргоо жөнүндө” мыйзамды тез арада жокко чыгарууну талап кылат.
Президент Садыр Жапаров өзүнүн фейсбук баракчасына Жакынкы Чыгыштагы кырдаал тууралуу билдирүү жазды. Өлкө башчынын билдирүүсүндө …
ӨКМдин Кыргызгидромет кызматынын билдирүүсүнө ылайык, 2025-жылдын 20-июнунан 22-июнуна чейин туруксуз аба-ырайына жана күтүлүп жаткан нөшөрлүү …
Бүгүн 13-декабрда Бишкекте жылда өткөрүлүүчү кесипкөй журналистика жаатындагы «Умтулуу-2024» сынагынын жеңүүчүлөрүнө сыйлыктарды тапшыруу аземи болуп …
Кечээ 10-декабрда Адам укуктарынын бүткүл дүйнөлүк күнү белгиленди. Human Rights Watch эл аралык уюму Кыргызстан …
Журналист Айке Бейшекеева ушул жылдагы эл аралык Free Press Awards сыйлыгына татыктуу деп табылды. Бул …
Кыргызстандын аракеттеги медиа платформасы Бишкек шаарынын Ленин райондук сотунун Temirov Live, «Айт Айт Десе» жана …
