Кече кирешеси жана чыгашасы тууралуу маалымат бербеген аткаминерлердин тизмеси чыкты.
Негизинен алганда декларациясын тапшырбаган мамлекеттик кызматкерлер жергиликтүү өзүн-өзү башкаруу жана айылдык кеңештерде иштейт.
Кыргызстанда 1754 мамлекеттик жана муниципалдык кызматкерлер 1-октябрга карата киреше жана чыгашалары тууралуу декларация тапшырган эмес. Бул тууралуу мамлекеттик салык кызматынан маалымдашты.
Анда салык кызматы декларация тапшырбагандардын тизмесин сайтына жарыялады. Мунун ичинде: президенттин аппаратынын мурдагы жетекчиси Фарид Ниязов дагы бар.