Өзбекстандын мурдагы президентинин тун кызы Гүлнара Каримова Швейцариядагы сотто утуп чыкты. «Bloomberg» басылмасы жазгандай, бул жеңиш анын эсеби жабылган 350 миллион долларын кайтарып алууга мүмкүнчүлүк берет. Анын адвокаты Грегуар Манжа бул маанилүү утуш экенин айтты.
Швейцариянын Федералдык апелляциялык соту 3-декабрда Каримованы Гибралтарда каттоодон өткөн «Takilant» компаниясынын мыйзамдуу өкүлү деп табууга байланышкан арызын канааттандырды. Бул компаниянын Швейцариядагы банк эсебиндеги акча 2018-жылы кылмыш ишине байланыштуу жабылган.
Гүлнара Каримова Ташкент облусундагы түрмөдө отурат. Ага «Опузалап мүлктү менчиктеп алуу», «Ыксыз сарптоо», «Кылмыш жолу менен табылган кирешелерди адалдоо» беренелери менен айыптар коюлган жана ал 2020-жылдын 18-мартында 13 жыл төрт айга эркинен ажыратылган.
Ушул жылдын сентябрь айында Швейцария менен Өзбекстан Каримованын акчасын кайтаруу боюнча макулдашкан. Ага ылайык, Каримованын 2012-жылдан бери Швейцариянын банктарында сакталып турган 131 миллион доллары Ташкентке которулары айтылган.
Анын алдында, май айында Франция Каримованын 10 миллион доллар активин Өзбекстанга кайтарып берген.
Бишкектин Октябрь райондук соту 9-февралда «Клооп Медиа» коомдук фондун жоюу жөнүндө чечим чыгарды. Бул тууралуу …
Жогорку Кеңештин мурдагы депутаты Эмил Жамгырчиев үй камагына чыкты. Бул тууралуу Бишкектин Биринчи Май райондук …
Өзбекстанда сот жөтөлгө каршы «Док-1 Макс» сиробун ичкен балдардын өлүмү боюнча ишти кароону бир айлык …
Саясатчы Алексей Навальныйдын доо арызы боюнча өтө турган сот отурумдары анын кайсыл жерде экени «такталганга …
Бүгүн 20-ноябрда Сокулук райондук соту Чүйдүн Селекция айылындагы жол тосууга айыпталып кармалгандар боюнча өкүмүн чыгарды. …
Бүгүн, 10-ноябрда “Вечерний Бишкек” басылмасынын Kaktus.media сайтынын үстүнөн жазган арызы боюнча Жогорку Сот чечим чыгарды. …
