Кыргыз тилиндеги Википедия Кыргызстан сыймыктанган 100 айымдын ысымдары менен толукталды. Алардын катарында Govori TV мультимедиалык агенттигинин жетекчиси Кайыргүл Урумканова дагы бар.
Маалым болгондой, “WikiGap. Кыргызстандын айымдары” долбоорунун алкагында Википедия дүйнөлүк интернет-энциклопедиясына жаңы ысымдар кошулду.
Долбоордун максаты – ийгиликке жеткен кыргызстандык аялдар жөнүндө маалымдуулукту жогорулатуу аркылуу гендердик теңчиликти илгерилетүүгө көмөк көрсөтүү жана аялдардын өлкөнүн коомдук, саясий, экономикалык, маданий жана спорттук турмушундагы жигердүү ролун жана катышуусун жогорулатуу.
Кошумчалай кетсек, WikiGap демилгесин биринчи жолу Швециянын Тышкы иштер министрлиги жана «БУУ-Аялдар» түзүмү 2018-жылы дүйнө жүзү боюнча гендердик теңчилик жөнүндө маалымдуулукту жогорулатуу максатында ишке ашырган. Буга чейин 2019-жылы долбоор Казакстанда ишке ашырылса, 2021-жылы Медиа Полиси Институту Нидерланддардын Кыргызстандагы элчилиги менен биргеликте бул долбоорду биздин өлкөдө да ишке ашырууну чечкен. Бул чечимге кыргыз тилдүү Википедияда кыргызстандык кыз-келиндердин жетишкендиктери жөнүндө маалыматты көбөйтүү аракети себеп болгон. Долбоордун алкагында Википедияда жаңы баракчалар да пайда болуп, ошол эле маалда мурда ачылган баракчалар белгилүү айымдар тууралуу жаңы маалыматтар менен толукталды.
Бүгүн, 30-январда Транспорт, коммуникациялар, архитектура жана курулуш боюнча комитетинин жыйынында “ЖМК жөнүндө” мыйзам долбоору каралып, …
Бүгүн, 3-майда Дүйнөлүк басма сөз эркиндигинин күнү белгиленип жатат. Медиа коомчулук «Басма сөз эркиндигинин эл …
Govori.TV мультимедиалык маалымат агенттигинин негиздөөчүсү Кайыргүл Урумканова Кыргыз Республикасынын Президентине караштуу Ж.Абдрахманов атындагы Мамлекеттик башкаруу …
«Кыйын» долбоору максатына жетти. Бул тууралуу Govori.TV мультимедиалык маалымат агенттигинин негиздөөчүсү Кайыргүл Урумканова билдирди. «Кыйын» …
