Бүгүн, 30-январда Транспорт, коммуникациялар, архитектура жана курулуш боюнча комитетинин жыйынында “ЖМК жөнүндө” мыйзам долбоору каралып, биринчи окууда жактырылды.
Govori.TV мултимедиалык агенттигинин негиздөөчүсү Кайыргүл Урумканова сунушталып жаткан жаңы мыйзамда жалпыга маалымдоо каражаттарына чектөөлөр көп болуп калганын айтып, төмөндөгулөргө токтолду.
«Баарыңыздар мыйзамды окуп чыктыңыздар, аябай көп суроолор жаралып жатат. Канча суроо жаралып жатса, бул мыйзам так ошондой башаламан иштейт. Мыйзам чыгаруучу орган катары сиздер билесиздер мыйзамда бардык беренелер так, даана жазылышы керек. Сиздерде мыйзам долбоорун окуп беренелерге бөлүп, караганга мүмкүнчүлүк бар. Жумушчу топко мындай берилген жок. 15 адам президенттин буйругу менен жушушчу топко киргени менен, мыйзамдын бешинчи вариантына чейин биз берген олуттуу сунуштар эске алынган жок. Мыйзамдын башынан аягына чейин медиа тармагын чектөө беренелер кирип, акырында эркин массалык маалымат каражаттарына болуп көрбөгөндөй бут тоосулар колдонулат. Билесиздер журналисттер көбү мыйзамдарды аябай сыйлайт. Алар коомдук тартип сакчылары, мыйзамды бузбайт. Бул мыйзам баарыбыз үчүн эмнеге маанилүү? Биз президентсиз жашообузду элестете албайбыз, биз депуттарсыз да коомубузду алдыга сүрөй албайбыз. Элибизсиз өлкө жок болуп кетет, ошондой эле элдин жана бийликтин ортосунда көпүрө болуп турган кесипкөй журналисттерсиз коопсуз, өнүккөн коомду элестете аласыздарбы? Бул мыйзамды кабыл алып жатканда ушул суроого жооп издесеңер»,-деди ал.
Бүгүн, 3-майда Дүйнөлүк басма сөз эркиндигинин күнү белгиленип жатат. Медиа коомчулук «Басма сөз эркиндигинин эл …
Президенттик аппарат «Жалпыга маалымдоо каражаттары жөнүндө» мыйзамдын жаңыланган долбоорун даярдады. Документте блогерлердин ишмердүүлүгүн жөнгө салган …
Кыргыз тилиндеги Википедия Кыргызстан сыймыктанган 100 айымдын ысымдары менен толукталды. Алардын катарында Govori TV мультимедиалык …
Govori.TV мультимедиалык маалымат агенттигинин негиздөөчүсү Кайыргүл Урумканова Кыргыз Республикасынын Президентине караштуу Ж.Абдрахманов атындагы Мамлекеттик башкаруу …
«Кыйын» долбоору максатына жетти. Бул тууралуу Govori.TV мультимедиалык маалымат агенттигинин негиздөөчүсү Кайыргүл Урумканова билдирди. «Кыйын» …
