Мурдагы президент Алмазбек Атамбаевдин мурдагы кеңешчиси, Икрамжан Илмияновдун жактоочуларынын апелляциялык арызы Бишкек шаардык сотунда 20-майда каралат. Бул тууралуу шаардык соттон билдиришти.
Маалыматка караганда, Илмияновдун иши боюнча соттук отурум 27-мартта болмок. Бишкекте өзгөчө абал киргизилгенине байланыштуу жараян кийинкиге жылдырылган.
Эске салсак, 2018-жылдын октябрь айында УКМКнын кызматкерлери Икрамжан Илмияновду Москвадан кармап, Кыргызстанга алынып келинген. Ал алдамчылыкка шектелип УКМКнын убактылуу жайына камакка алынган.