Бүгүн, 1-мартта парламент жыйынында Билим берүү жана илим министринин кызмат ордуна сунушталган Каныбек Иманалиевдин талапкерлиги каралып жатат. Жыйында Иманалиев депутаттардын суроолоруна жооп берип, айрым маселелерди чечүү жолдору тууралуу эл өкүлдөрүнүн сунуштарын угууда.
Депутат Эмил Токтошевдин суроосуна жооп берип жатып Иманалиев, «Кыргызстанда кошоматчылардын сынагын өткөрөйүн дегем» деген пикирин айтты.
«Президентке да сизди тандаш өтө оор болсо керек. Себеби буга чейин канча министрлер тартып кете алган жок, ошондуктан бошотту. Демек ушул тармакты тартып кете турган, чыныгы адисти тандоодо оор сыноо болду. Садыр Нуркожоевичке ушул жерден пайдаланып «рахмат» дейт элем. Ар кандай кеп-сын айтылаарын билген», -деди депутат Токтошев.
Депутатка жооп берген Иманалиев «президент жакшы түшүнөт, Кыргызстанды кошоматчылар оңдобойт» деди.
«Мен парламентке келбесем гезитке жазайын деп жаткам, «Кыргызстанда кошоматчылардын конкурсун уюштурайын дегем» деп, бирок азыр министр болуп калбадымбы. Кыргызстандын түбүнө жеткен кечээки «Курманбек Салиевич» деп жүгүнүп жүргөндөр, бир күнү «Сооронбай Шарипович» деп жүгүнүп калып жатат, бүгүн кайра «Садыр Нуркожоевич» деп калды. Ошолордон арылганда өлкө өнүгөт, менде андай кошоматчылык сапат жок», — деди Иманалиев.
Мурдагы Билим берүү жана илим министри Каныбек Иманалиев КР Улуттук жазуучулар союзунун төрагасы шайланды. Бул …
Кызматтан алынган билим берүү министри Каныбек Иманалиев эмгек жамааты менен коштошуп, ага ишеним көргөзгөндөргө ыраазычылык …
Каныбек Иманалиев КР билим берүү жана илим министри кызматынан бошотулду. Бул тууралуу президенттин басма сөз …
Жогорку Кеңештин депутаты Эрулан Көкүлов Билим берүү министри Каныбек Иманалиевдин кабинетине кирип барган учурдагы видео …
Жогорку Кеңештин депутаты Эрулан Көкүлов жарандардын суроо-талаптарын каттаган Билим берүү министрлигинин WhatsApp номери иштебей жатканына …
Коомчулуктун терс реакциясын эске алуу менен үч окуу жайда лекция болбойт. Бул тууралуу Билим берүү …
