Коомчулуктун терс реакциясын эске алуу менен үч окуу жайда лекция болбойт. Бул тууралуу Билим берүү жана илим министри Каныбек Иманалиев бүгүн, 22-майда Жогорку Кеңештеги Социалдык саясат боюнча комитет жыйынында билдирди.
«Улуттук илимдер академиясында, Исхак Раззаков атындагы Кыргыз мамлекеттик техникалык университетинде жана Кыргыз улуттук университетинде лекциялар болбойт»,-деди Иманалиев.
Мурдагы президент Аскар Акаев жубайы Майрам Акаева менен Кыргызстанга келгени 20-майда белгилүү болгон. Акаев Политехникалык университетте жана Илимдер академиясында лекция окумак. Бирок буга айрым студенттер каршы чыгышкан.