Бишкек.26.06.2019.Govori.TV.
Бишкек шаардык соту Мамлекеттик бажы кызматынын мурдагы төрагасы инсульт алган Адамкул Жунусовду абакта калтырды. Бул тууралуу шаардык сот билдирди.
Маалым болгондой, буга чейин Октябрь райондук соту Жунусовду соттук териштирүү бүткөнгө чейин абакта калтыруу чечимин кабыл алган. Айыпталуучунун ден соолугуна байланыштуу жактоочулары бөгөт чарасын өзгөртүүнү өтүнүп жогорку инстанцияга кайрылып, ишти токтотуу боюнча өтүнүч келтирген.
Эске салсак, ал Бажы кызматын жетектеп турган кезде коррупциялык иштерди уюштурган, жана казынага чоңсуммада зыян келтирген деп айыпталып, былтыр декабрда Бакудан алынып келинген.
