Ереванда Internews фондунун мурдагы башкы директору, ТЭФИ сыйлыгынын лауреаты Манана Асламазян каза болду. Бул тууралуу журналист Виктор Мучник «Фейсбуктагы» баракчасына жазды.
«Бүгүн Ереванда Манана Асламазян каза болду. Аны автоунаа сүзүп кетти. Биз 30 жылдан бери достошуп келгенбиз… Бүгүн кечинде жолугушубуз керек эле. Көрүшпөй калдык. Телефон чалып байланыша албай койдук, ал мындай кылчу эмес. Издеп жөнөдүк. Реанимацияда өмүрүн сактап кала алышпаганын айтышты», – деп жазды Мучник.
Манана Асламазян 1952-жылы 10-январда Ереванда төрөлгөн.
Орусияда ал башкы кеңсеси АКШда жайгашкан Internews International ассоциациясынын курамына кирген Internews фондун жетектеп, көз карандысыз маалымат каражаттарын колдоо менен алектенген.
Асламазян — 2002-жылы «Орусиянын медиаменеджери» сыйлыгынын «Медиабизнестин өнүгүүсүнө кошкон өзгөчө салымы үчүн» деген атайын номинациясынын лауреаты болгон. Мындан тышкары ал аймактык телеберүүлөргө кадрларды даярдаганы үчүн Орусиянын телеберүү академиясынын «Орус телеберүүсүнүн өнүгүүсүнө кошкош жеке салымы үчүн» деген атайын сыйлыгын алган.
Интерньюстун Кыргызстандагы өкүлчүлүгү 1-сентябрда Манана Асламазяндын мезгилсиз дүйнөдөн кайтканына байланыштуу эскерүү жыйынын өткөрөт.
Баткен районунда 16 жаштагы кыз бычак жеп каза болду. Маалыматты Баткен ОИИБдин басма сөз кызматы …
3 баланын энеси, 33 жаштагы келин мурдагы күйөөсүнүн колунан каза тапты. Бул тууралуу «Балдар укугун …
Орусиялык басылмалар 18-март күнү кечинде «Урал аба жолдору» компаниясынын Москва-Куляб багытында бараткан учагында жүргүнчү өзүн …
Көрүнүктүү опера ырчысы, Кыргыз Республикасынын эл артисти Талгарбек Жакшылыков дүйнө салды. Бул тууралуу Маданият, маалымат, спорт …
«Азия MIX» командасынын мурдагы мүчөсү Марат Жуманалиев каза болду. Бул тууралуу анын жакындары билдирген. Алдын ала маалыматтар …
Ысык-Көл облусунун Ак-Суу районуна караштуу Жыргалаң айылында Чехиянын төрт жаранын кар көчкү басып калып каза …
