ИИМдин Баңгизаттарды мыйзамсыз жүгүртүүгө каршы күрөшүү кызматынын ыкчам кызматкерлери Бишкек шаарынын Октябрь РИИБдин Тергөө кызматы менен биргеликте борбор калаанын аймагынан өзгөчө ири өлчөмдө синтетикалык баңгизаттарды өндүргөн лабораторияны аныкташты. Бул тууралуу ИИМдин басма сөз кызматы кабарлады.
2022-жылдын 1-июнунда сотко чейинки өндүрүштүн алкагында Бишкек шаарынын Лев Толстой жана Султан Ибраимов көчөлөрүнүн кесилишинен жаран З.Э. кармалган. Кармалган жарандын барсеткасынан 95 грамм болгон «Альфа-ПВП» психотроптук каражат табылган.
Андан аркы ыкчам-тергөө амалдарын жүргүзүү учурунда З.Э. аттуу жарандын жашаган үйүнө кечиктирилгис тинтүү жүргүзүлүп, бөлмөлөрдүн биринде баңгизаттарды өндүргөн лаборатория аныкталып, химиялык каражаттар жана синтетикалык баңгизаттарды өндүрүү үчүн жабдыктар (суюктук, тараза, идиштер, респиратор жана башкалар) табылган.
Андан сырткары, кармалган жаран буга чейин 347 грамм болгон «Альфа-ПВП» психотроптук каражатты катып койгон көмүскө жайды көрсөтүп берген.
Табылып алынган «Альфа-ПВП» психотроптук каражаттын жалпы салмагы 471 граммды түзүп, ал 1500000 сомдон ашык суммага бааланган. Ошондой эле, өзгөчө кескин жыты бар күрөң түстөгү каражат салынган 6 канитср табылды.
Экспертизанын корутундусуна ылайык, 2 канистрде суюктук түрүндөгү «Альфа-ПВП» психотроптук каражаты, ал эми 4 канистрде аларды даярдоо үчүн заттар болгон.
Азыркы учурда бул кылмыш ишине тиешеси бар башка жарандарды аныктоо боюнча атайын тергөө амалдары жүргүзүлүүдө.
“Telegram”мессенджери аркылуу синтетикалык баңги заттарды сатууга көмөктөшкөн криптовалютанын ээлери кармалды. Бул тууралуу УКМКдан кабарлашты. Маалыматка …
Бишкекте баңгизат сатып жүргөн жаран кармалды. Бул тууралуу Бишкек шаардык ички иштер башкы башкармалыгынан билдиришти. …
Ош шаарында мугалим баңгизат сатууга шектелип кармалды. Бул тууралуу Ички иштер министрлигинен билдиришти. Маалыматка ылайык, …
Жазаларды аткаруу кызматынын түзөтүү мекемесине баңгизатын жашыруун алып өтүү аракетине бөгөт коюлду. Ведомстводон белгилешкендей, ЖАК …
Ысык-Көл районунда жергиликтүү тургундун үйүнөн 11 кг баңгизат табылды. Бул тууралуу облустук милициядан билдиришти. Маалыматка …
Ысык-Көл облусунун эки тургуну баңгизат сатууга шектелип кармалды. Бул тууралуу Ички иштер министрлигинин басма сөз …
