Испаниянын футбол боюнча улуттук курама командасы 2026-жылдагы дүйнө чемпиондугунун жеңүүчүсү болду.
Финалдык беттеште учурдагы Европа чемпиону Испания учурдагы дүйнө чемпиону Аргентина менен кездешти.
Оюндун жүрүшүндө испаниялыктар демилгени толугу менен өз колуна алып, бир катар кооптуу мүмкүнчүлүктөрдү жаратканы менен, аларды голго айландыра алышкан жок. Негизги убакыттын соңку мүнөттөрүндө Аргентинанын жарым коргоочусу Энцо Фернандес экинчи сары айып кагазын алып, оюндан четтетилди.
Лионель Месси баштаган аргентиналыктар биринчи кошумча таймда эсепти сактап кала алышты. Бирок экинчи кошумча таймдын алгачкы мүнөтүндө Испания жеңиш голун киргизди. Башкы машыктыруучу Луис де ла Фуэнтенин алмаштыруулары өз жемишин берип, Педринин асуусун Уильямс башы менен узартып, Ферран Торрес таамай сокку менен топту дарбазага киргизди.
Беттеш 1:0 эсебинде Испаниянын жеңиши менен аяктап, испаниялык футболчулар тарыхында экинчи жолу дүйнө чемпиону болушту. Алар биринчи жолу 2010-жылы Түштүк Африка Республикасында өткөн дүйнө чемпионатында алтын медалга ээ болушкан.
Футбол боюнча дүйнөлүк чемпионаттын жарым финалына Франция, Испания, Англия, Аргентина өттү. Франция менен Испаниянын беттеши …
Ош шаарынын борбордук аянтында футбол боюнча дүйнө чемпионатынын чечүүчү беттештери чоң экрандан түз алып көрсөтүлөт. …
Кыргыз футбол биримдигинен билдиришкендей, 2026-жылкы футбол боюнча дүйнө чемпионатынын финалдык беттешине карата Бишкектеги Ала-Тоо аянтында …
12-июнга караган түнү Бишкек убактысы боюнча саат 01:00дө футбол боюнча дүйнө чемпионаты башталат. Ачылыш аземи …
Кыргызстандын жаштар курама командасынын (U-20) 2027-жылкы Азия кубогунун тандоо турундагы атаандаштары белгилүү болду. Чүчү кулактын …
Бүгүн, 12-майда борбор калабыздын «Шератон» мейманканасында Кыргыз футбол биримдигинин 2026-жылкы Кезексиз Конгресси өттү. Күн тартибине …
