Италиянын Эмилья-Романья облусунда катуу мөндүр жаап, жүздөгөн унаалар зыянга учурады. Бул тууралуу дүйнөлүк басылмалар жазды.
Маалыматка ылайык, дүйшөмбүдө аталган аймакта көлөмү алмадай болгон мөндүр жаап, анын кесепетинен шаардагы имараттар түрдүү зыянга учураган. Ошондой эле жүздөгөн унаалар жараксыз абалга кептелген.
Социалдык тармактарга Пьяченца жана Парма шаарларын байланыштырган А1 трассасында тартылган видео жарыяланды.