Израилдин түндүк бөлүгү Ливан тараптан ракеталык аткылоого кабылды. Буга чейин Израиль полициясы менен палестиналыктар Ал-Аска мечитинин аймагында кагылышкан.
Израиль басылмалары Ливан тараптан болжол менен 30дай ракета коё берилгенин, алардын жарымын атып түшүрүүгө мүмкүн болгонун жазды. Маалыматка караганда, ракеталык аткылоодон эки киши жараат алды.
Израиль жооп катары чек араны көздөй артиллериялык куралдардан ок аткан-атпаганы боюнча карама-каршы маалыматтар чыгууда.
Азырынча бул ракеталык аткылоо үчүн эч ким жоопкерчиликти өзүнө ала элек.
5-апрелде Израиль полициясы Ал-Акса мечитинин айланасындагы жөөттөрдүн комплекске кирүүсүнө мүмкүнчүлүк түзүүгө аракет кылган маалда палестиналыктар менен кагылышкан. Бул окуя мусулмандар үчүн ыйык эсептелген Рамазан айында жана жөөттөрдүн Песах майрамы белгиленип жаткан күндөргө туш келген.
Израиль полициясынын Ал-Аска мечитиндеги ал рейдин араб дүйнөсү айыптаган. Газа сектору тараптан Израилди көздөй ракеталар атылып, жооп катары Израиль сектордогу бир нече бутага чабуул койгон.
6-апрелде Газа секторун көзөмөлдөгөн ХАМАС исламчыл тобунун башчысы Исмаил Хания Ливанга иш сапары менен барган. Бул өлкөнүн түштүгүндө жайгашкан БУУнун тынчтык орнотуу күчтөрү аймактагы абалды «өтө олуттуу» деп атап, тараптарды сабырдуулукка чакырды.
Израилдин Коргоо күчтөрү Газа тилкесинин түндүк бөлүгүндө жайгашкан Газа шаарынын бардык тургундарын «коопсуздугу үчүн» үйлөрүн …
Тель-Авивде жөө жүргүнчүлөрдү сүзүп, бычак менен кол салуудан кеминде сегиз киши жаракат алды. Бул тууралуу …
Кыргызстан жана Израиль түз аба каттамын ачуу боюнча маселени талкуулоодо. Бул тууралуу Туризм департаментинин басма …
Израилде соттук реформага каршы өтүп жаткан митингдерге катышкандар 500 миңге жетти. Бул сегиз миллионго жакын …
Саясатчы Ицхак Херцог Израилдин 11-президенти болуп шайланды. 2-июнда өлкө парламенти-Кнессеттин 120 депутаты жашыруун добуш берүү …
Кытайдын Израилдеги элчиси Ду Вэйдин жансыз денеси жашап жаткан үйүндө табылды. Полициянын өкүлү журналисттерге билдирген …
