Үй-бүлөлүк зомбулук фактысы боюнча С.Т. аттуу мурда Президенттин аппаратында иштеген аткаминер кармалды. Бул тууралу 24.kg агенттиги жазды.
Маалыматка ылайык, 10-апрель күнү Бишкектеги Октябрь райондук ички иштер башкармалыгына Н. С. аттуу аял арыз менен кайрылган. Арызда жолдошу мас абалында 3 күндөн бери тынчтык бербей, ага кол көтөргөнү айтылып,чара көрүүнү суранган.
40 жаштагы С.Т. 2015-жылдан тартып Президенттин аппаратынын экономикалык талдоо бөлүмүндө эксперт болуп иштеген, бирок 2019-жылдын май айында кызматынан бошотулган.
«Аталган жаран кармалып, убактылуу кармоочу жайга киргизилди. Соттук-медициналык экспертиза дайындалып, териштирүү жүрүүдө»,-деп айтылат маалыматта.