Бишкекте унаасы менен күзөтчүнүн кабинасын сүзүп, андан соң кызматкерге кол көтөргөн айдоочу 2 айга камакка алынды. Мындай чечимди Биринчи Май райондук соту чыгарган.
Маалыматка ылайык, айдоочуга «бейбаштык» беренеси менен иш козгогон. Ал эми Чүй облустук жол кыймылынын коопсуздугун камсыздоо башкармалыгы кармалган айдоочу 30 жашта экенин, анын унаасынан тапанча огу менен жана бычак табылганын кошумчалаган.
